2013թ. հոկտեմբերի 26-ին, ժամը 18:30, ELF ֆրանսիական ավտոյուղերի հայաստանյան ներկայացուցիչ "Կարկոմավտո" ընկերությունը սիրով հրավիրում է բոլորին ներկա գտնվել "ELF Drift Show" խելահեղ միջոցառմանը: Միջոցառման ընթացքում Ձեզ են սպասում մրցարշավային մեքենաների ու մոտոցիկլետների էքստրեմալ ելույթներն ու վարումը, որոնք իրականացվելու են ինչպես հայ, այնպես էլ արտերկրից ժամանած մրցարշավորդների կողմից: Մրցարշավորդները ոչ միայն կատարելու են դասական դրիֆտ, այլ նաև զարմացնելու են հադիսատեսին անհավանական հնարքներով ու անվադողերի այրումով հենց վարման ընթացքում: Երկու հայտնի DJ-ներ ողջ միջոցառման ընթացքում բացի երաժշտական հաճույք պարգևելուց հանդիսատեսին, պարբերաբար «մարտնչելու են» միմյանց հետ (DJ Bettle) ապշեցուցիչ ձայնային ու լուսային էֆեկտների ներքո: Իսկ սլացիկ պարուհիները էլ ավելի գունեղ կդարձնեն այդ աշխույժ միջոցառումը: Եվ սա դեռ անակնկալների միայն մի փոքր մասն է: Միջոցառումը վարելու և ողջ ընթացքում հանդիսատեսին ռիթմի մեջ է պահելու հայտնի հաղորդավար Եգոր Գլումովը: Միջոցառումը տեղի է ունենալու սույն թվականի հոկտեմբերի 26-ին, ժամը 18:30-ին, «Կարկոմավտո» մասնագիտացված տեխսպասարկման կայանի տարածքում՝ Ն. Տիգրանյան 1-ին փակուղի 1 հասցեով: Մանրամասների համար կարող եք զանգահարել (010) 23 13 41 հեռախոսահամարով: Աղբյուրը auto.am
| 